ஹாங் காங்கின் அயல் நாட்டு வேலைக்காரி

அன்றொரு ஞாயிற்றுகிழமை
நூறாயிரம் ஆயிரம்
நாடும் வீடும் மறந்த
இல்லப் பணிப்பெண்டிர்
உலகாண்ட விக்டோரியா பேரரசியின்
பேர் தாங்கும் பூங்காவிலும்
சாலையோர நடைபாதைகளிலும்
கூடும் நாள்

வண்ணங்கள்
உடைகள்
ஒப்பனைகள்

சரசங்கள்
உரசல்கள்
பூசல்கள்
உறவுகள்

நின்றும் அமர்ந்தும்
படுத்தும் நடந்தும்
பேசியும் எதையோ
தேடியும்


















தீராத பார்வைகள்
ஓயாத தவிப்புகள்

அத்தனையும்
வெட்ட வெளியில்
காட்சிப் பொருளாக

அத்தனையாயிரம்
உடலங்களின்
ஒன்றிணைந்த
உணர்ச்சிக்குவியலும்
நடைபாதை குப்பைகளூடே
ஒரே பெரும்
முலைச் சுரப்பாக
யோனி கசிவாக
விழி நீராக 

நானெழுதிய வெளிவராத திரைப்பாடல்

நீ நான் ஏன்
பொல்லாத  இன்பங்கள் கொண்டாடும்போது

ஆண்:

இவள் இதழ் அது சிந்தும் துளியில்
இதோ இதோ உன் காலடியில்
அவள் விரல் அது அசையும் திசையில்
உயிரே உயிரே போய் விடு போ

இவள் அங்கம் என் தேகம் தீண்ட
விலை விலையென உயிர் பிரிவேன்
அவள் மேலென் வாசம் விரவ
பாதங்கள் மேவிட உடல் விரிப்பேன்

சரணம் 1

வா என் வாசல் வந்து
நீ காத்திரு
என் என் தேவை தந்து
நீ வேர்த்திரு
நான் ஓர் வேகம் கொண்ட
தீ காட்டுத்தீ
ஆண் தேகம் அது எல்லாம்
நுனி புல் நுனி
நீ - என் பார்வை பட்டு
நீ - என் வாடை சுட்டு
நீ - என் பாதம் தொட்டு
வா ஒரு ராமனா

விடுமுறை விடுகதை

சனி ஞாயிறு காலைப் பொழுதுகள்
ஏன்
சனி ஞாயிறு காலைகளைப்
போலிருக்க வேண்டும்
வார நாட்களில்  எப்போதாவது
வரும்
விடுமுறைகளின் காலைகளைப்
போல் ஏன்
இருக்கக் கூடாது 

Madurai Meenakshi Sokkanathar Temple - A Treasure House of Dravidan Sculptures

பாலி ஒரு பூ

விமானமிறங்கி 

ஊருக்குள் நுழையுமிடம் 

வீதியின் இருமருங்கிலும் 

கவியும் இலையடர்த்தியில் 

மென்மணம் பரப்பி 

வரவேற்கிறது 

தங்குமிடம் சேர்கையில் 

வரவேற்க காத்திருப்போரில் 

புன்னகைத்து வீற்றிருக்கிறது 

உள்ளே நுழைகிறீர்கள் 

உச்சகட்ட கொதிப்பில் 

மணியாரத்தை கழற்றி வைக்குமிடம் 

மலர்ந்திருக்கிறது ஒரு பூ 

மனைவியின் மேனி வாசம் 

அறைக்கு வெளியிருக்கும் உங்களை  

உள்ளிழுக்கும் பொது 

வெண்ணிற மெத்தையின் நடுவே 

கிடந்தது கிறக்குகிறது 

மாலை கவிந்ததும் 

நாதம் கலந்து உலவும் 

குளிர் காற்றில்  

சுகந்தம் சேர்ந்து கமழ்கிறது 

குளியறையில் 

உணவருந்தும் விடுதியில் 

கடைகளின் பேர மென்னிரைச்சலில் 

ஏறித் தீராத 

மிக அழகிய கோவில்களில் 

காலை பூசைக்கு 

அணிவகுத்துச்  செல்லும் 

பேரழகிகளின் தட்டங்களில் 

பூசனை தீர்ந்து 

திரும்பும் பேரழகிகளின் 

கூந்தல்களில் என 

எங்குமிருக்கின்றன 

உங்களுக்குள் என்றுமிருக்கும் 

புன்னகையை 

மகிழ்ச்சியை 

உங்கள் முன் நிறுத்தும் 

பாலி ஒரு பூ 

Uluwatu Sunset Temple

Uluwatu Sunset Temple: Bali - II in December