Latest Painting of Horse Dancer at Borobudur, Yogyakarta, Indonesia

https://www.facebook.com/photo/?fbid=10227260489970840&set=pcb.10227260491370875 

ஏதுமற்று

 மத்திய ஜாவாவின் 

யோக்யகர்த்தா நகரில் 

விரைந்து சாயும் 

மழைஅந்திகளின் 

முன்மாலைப் பொழுது 

தொலைவில் எரிந்தடங்கும் 

ஒளியின் முன் 

விண்ணைத் தீண்டக் கிளம்பும் 

மூன்று எரிகலன்கள்போல் நிற்கும் 

பிரம்பனான் கோவிற்சிகரங்களை 

நோக்கிக் கொண்டு 

மதுவை அருந்திக் கொண்டிருக்கிறேன் 

கருமையும் அடர்த்தியும் 

கலந்து சாயும் மழைத்தீற்றலினூடே 

தெருவின் இரைச்சலைப் பின்விட்டுவிட்டு 

விடுதியின் சாளரத்தில் 

தனித்து அமர்ந்திருக்கும் 

என்னெதிரில் அமர்கிறாள் அவள் 

சிறகை சிலிர்த்து நீர்த்துளிகள் 

உதிர்க்கும் பறவைபோல் 

நீவிக்கொள்கிறாள் 

இந்தியனா என்கிறாள் 

எனக்குத் தெரியும் 

இதையும் இதற்கடுத்த 

எந்த இரு கேள்விகளையும் 

நான் எதிர்பார்க்கலாமென 

ஆமோதிக்கும் புன்னகைக்குப்பிறகு 

பிரம்பனான் கோவில்வளாகம் பார்த்தேனா 

என்று வினவுகிறாள் 

மழையின் ஓசை 

ஒரு சுதியேறி சீரான கதியில் பெய்கிறது 

பதிலாக 

அவள் அருந்த 

என்ன வேண்டுமென கேட்கிறேன் 

இரு கோப்பைகள் 

நிறைந்தும் குறைந்தும் 

மழைச்சாரலில் நனைந்த 

புன்னகைகள் கடந்தும் 

இருவரும் தத்தம் 

கோப்பைகளை ஏந்திக்கொண்டு 

கவியும் இருளில் 

கரைந்து கொண்டிருக்கிறோம் 

Parang Tritis Beach, Jogja

Stay at Jogja

Mount Merapi - People

Trekking at Mount Merapi II

Alien Stone

Trekking in Mount Merapi