Ceramics Section, The Shanghai Museum

This section is the deal clincher - it was an amazing display of 1500 years' worth of ceramics - look for artefacts with Sanskrit, Tibetan and Arabic inscriptions, highlighting India's and Silk Road's influence on China.  

Chinese Bronzes, The Shanghai Museum

Brilliant Bronze Section - I have never seen such rich and diverse collections...

The Shanghai Museum

The impressive Shanghai Mueseum - a must see for everyone who wish to understand the rich culture of China and the Silk Road!

The Bund, Shanghai

In the ever-crowded Bund - majestic structures and milling crowd right through the night! The Shanghai Administrative HQ and the tall towers including Shanghai Tower on the banks of Huang Po River.

பதாகை மின்னிதழில் வெளிவந்திருக்கும் கவிதை - சுழல்

​சுழல் 

சிறுவிதை
கடித்தெறிந்த கனித்தோல்
கிளையுதிர்ந்த இலை
கனியா பிஞ்சும் பூவும் ​​
அடித்தளம் சுற்றிலும்
உயிரோட்டம்
நில்லாது நடந்தேறும்
நாடகம்
உணவும் உணவின் உணவும்
உண்ணவும் உண்ணப்படவும்
அத்தனைக் களி
எதுவுமில்லை தன்னிரக்கம்
எதிலுமில்லை முயற்றின்மை
பேருரு தாழ்ந்து தாள் சேரும்
எதுவும் ஆவதுமில்லை வீண்

பதாகை மின்னிதழில் வெளிவந்திருக்கும் கவிதை - காத்திருத்தல்

காத்திருத்தல் 

சுருக்கங்கள் நிறைந்த கரங்கள்
வித்வம் நிறைந்தவை
புகைத்துக் கொண்டிருக்கின்றன
காலை நடைபயிலும் கால்கள்
சந்தைவந்த சிறார்
முகர்ந்தலையும் குட்டிநாய்கள்​​
நடுவே இரு நாற்காலிகளில்
ஒன்றில் அக்கரங்களின் தலைவன்
இன்னொன்றில்
நசுங்கிய ஆயினும் அழகிய குவளை
அருகில் சாய்த்து வைக்கப்பட்டிருக்கிறது
வாழ்வைப்போல் அதிர்வுதளர்ந்த
தந்திகள் துவளினும்
எதை வேண்டுமென்றாலும்
இசைக்கக் காத்திருக்கும்
கிதார்

சோஷல் மீடியாவும் சில மரணங்களும்

இறந்துவிட்டதாக முற்றாக

அறியப்பட்ட நண்பனொருவனின்
முகநூல் பக்கம் சிலநாட்களில்
உயிர்தெழுந்தது
விவாதங்கள் நிலைச்செய்திகள்
வாழ்த்துக்கள் ​​
அனைத்தையும் வியப்புடன்
பார்த்துக்கொண்டிருந்த எங்களுக்கு
அவனது இறந்ததின
கண்ணீர் அஞ்சலி தோன்றி
சகிக்க முடியாமலாகியபோது
கண்டுபிடித்தோம்
அவன் மனைவி
அவன் நினைவில்
முகநூலில் எங்களுடன் பேசியது

பள்ளிக்கூட நண்பர்களின்
வாட்ஸப் குழுவில்
நண்பனொருவனின் எண்ணிலிருந்து
நள்ளிரவில் செய்தி
இன்னாரின் மகன் எழுதுகிறேன்
அப்பா இறந்து விட்டாரென
ப்ரொபைல் படத்துடன்
அவன் மரண செய்தி

எப்படி எதிர்கொள்வது
தொழில்நுட்பம் கொணரும்
புத்தம்புது பிரச்னைகளை
புரியாத இறப்புச் செய்திகளை

பதாகை மின்னிதழில் வெளிவந்திருக்கும் கவிதை - ​சோஷல் மீடியாவும் சில மரணங்களும்

http://bit.ly/kavithaiinpadhaakai

பதாகை மின்னிதழில் வெளிவந்திருக்கும் 3 கவிதைகள்

பதாகை மின்னிதழில்  வெளிவந்திருக்கும் 3 கவிதைகள்

https://padhaakai.com/2019/02/11/saranabhi-poetry-2/

நதி - 2

அத்வைதம் தேடிய 

சங்கரனைத் தேடி 

காலடி போனவொரு நாள் 

பயணங்கள் திசைமறந்த நாட்கள் 

பற்பல நாட்களில் 

பேசிய முதல் வார்த்தை 

அங்காமலி சங்கரன் அம்பலம் 

துகிலோடு நாணமும் களைந்து 

பெரியாறின் படிகளிலிறங்கி 

எதிர்கரை காணா 

இருளும் தொலைவும் 

நினைவில்லாது 

மயக்கம்போலும் ஓருணர்வில் 

முதலடி ஈரடி 

பனிக்குட வெம்மைக்குள் 

நாசியின்கீழ் உடலம்தழுவி 

நகர்ந்த நீர் பொழிந்ததெங்கு

வழிந்ததென்று 

புதைந்தமர்ந்திருந்தது 

எத்தனைக் காலம் 

நதி - 1

சாகச பயணம்போலும் 

தலையில் கட்டோடும் 

இடைநழுவும் முண்டோடும் 

நகர்நீங்கி நான்காம்நாள் 

கருமையும் பச்சையும் நீலமும் 

கலந்தடர்ந்த கானகம் 

புள்ளினங்களும் இயம்பா 

புலரிளங்காலை 

துயிலெழுப்பி விரிநீங்கி 

தந்தையின் தோளமர்ந்து 

மென்சருகென மினுங்கும் 

பம்பையின் கரையோரம் 

தோளிறக்கி துண்டுரித்து 

அடற்கருமையில் அசைவின்றி 

நெளியும் நீரோரம் அமர்த்தி 

நிகழ்வதென்ன அறியாதவன் 

பனிக்குளிர்நீரில் முதல்முழுக்கு 

ஆயிரம் ஊசிகள் ஓராயிம்துளைகள் 

விறைத்துநின்ற சிறுஉடல் 

சினம்கண்டு சிரித்த தகப்பன் 

நிகழும்

கருந்திரை கீழிறங்கியது 

கண்முன் ஒளிந்து மறைந்தது ஒளி 

சூழ நின்ற 

மலையடுக்குகளின் இடுக்கினூடே 

அலையென மிதந்து வரும் 

மென்னீர காற்று 

கமழும் உன் தோள் வாசம் 

எப்போதோ முகர்ந்தது 

இன்னும் புலன்களில் 

அழியா தடம் 

இப்போதும் 

முகர்ந்துகொள்ளும் அண்மையில் 

விருப்பங்களின் சின்னமென 

இடையில் எரியும் கணப்பு 

வழியும் ஹரிப்ரஸாதின் குழலிசை 

சகமொருத்தி சொன்னது 

இன்று இப்போது இக்கணம் 

நினைவில் மென்மையாய் அதிரும் 

'ஒரு குழல்,

ஒரு முணுமுணுப்பு,

ஒரு பெருமூச்சு,

ஒரு முனகல்,

ஒரு மெல்லிய அழுகை,

ஒரு தேன்சிட்டின் சிறகசைவு,

சுவாசம்,

தென்றல்,

மரங்களின் உயிர்ப்பு,

இடையோடும் நிசப்தம்,

சொற்களேதுமற்ற இந்நிலை...'

அநித்யங்களின் காதல் 

வலியது 

தொலைவில் வழியும் இசை

அலுவலகம் செல்லும்
அவசரத்தில் அனைவரும்
தத்தம் பேசியில் புத்தகத்தில் உரையாடலில்
அமர்ந்திருந்த எனக்கெதிரே
தலைநிமிர்ந்து அமர்ந்திருந்தாள்
மறுமுறை நோக்க வைக்கும் முகம்
ஏதோவோர் எண்ணம்
ஏதோவொரு நாடகம்
எங்கோ நோக்கிய
தளும்பிய விழிகள்
கணப்போதும் இமைக்காமல்

பார்வையேதும் அசையாமல்
தன்னிச்சையாக மேலெழும்பும் கை
யாருமறியாமல்
நீரூறும் நாசியைத் துடைக்கும்
சிறிதே விரிந்த உதடுகளிலும்
உறைந்த சலனம்

யாருமே அவளைப் பார்க்கவில்லை
அவளைத் தவிர யாரையுமே நான் பார்க்கவில்லை
இருக்கையைவிட்டு எழாமல்
வெறித்து எதுவும் பார்த்துவிடாமல்
வழியப்போகிற அந்தத் துளிகள்
ஏன் என் தோள் வீழக்கூடாது

இல்லப்பணிப் பெண்டிரின் ஒருநாள்

எதிரும் புதிருமான
தெருக்களிலெல்லாம்
காலடி ஓசைகள்

அதிகாலை
அத்தனை பாதங்களும்
அழகிய பெரும் வீடுகளின்
தானியங்கிக் கதவுகள் திறந்து
சாலைகள் நோக்கி
சாரி சாரியாக நடக்கும்

பேருந்து நிறுத்தங்கள்தோறும்
இந்தோனேசிய தலைமுக்காடுகள்
இந்திய கைப்பைகள் குளிர்க் கண்ணாடிகள்
பிலிப்பினோ விரிந்த கூந்தல் அலங்காரங்கள்
சந்தனச் சுண்ணம் பூசிய பர்மிய கன்னங்கள்
குறைவும் நிறைவுமாக விதவிதமான ஆடைகள்
ஏதேதோ மொழிகள்

சுழலும் அத்தனைக் கண்களிலும்
ஒன்றே தாபம்
ஊடலும் கோபமும்
மகிழ்வும் பிணக்கும்
பேருந்து நிறுத்தங்களில் தொடங்கி
பேரங்காடிகளில் தொடர்ந்து
நிறுத்தங்களில் நிறையும் இன்று
சிங்கப்பூரில் ஞாயிறு

இல்லப்பணிப் பெண்டிரின் ஒருநாள்

பதாகை மின்னிதழில் வெளிவந்திருக்கும் கவிதை - இல்லப்பணிப் பெண்டிரின் ஒருநாள்

https://padhaakai.com/2018/12/23/saranabhi-poetry/#two

பதாகை மின்னிதழில் வெளிவந்திருக்கும் கவிதை - இருக்கலாம்

பதாகை மின்னிதழில் வெளிவந்திருக்கும் கவிதை - இருக்கலாம்
https://padhaakai.com/2018/12/23/saranabhi-poetry/

இருக்கலாம்

வடிவதற்கேதும் வழியின்றி
பொங்கி நிரம்பி
ஆவியாவதொன்றல்லாமல்
தன்னைக் கரைத்துக் கொள்ளவியலா
இந்தக் கடல்
ஈர்ப்பு விசையனைத்துக்கும் மேலென
ஏதோவொன்று அழுத்தி வைத்திருக்கும்
அத்தனை நீரும்
பொதிந்து வைத்திருக்கும் இருள் அறியா
அத்தனை அந்தகாரங்களும்
என் சுயமாகக்கூட இருக்கலாம்.

வெண்ணிற பனித்துகில்
தொங்கும் திரைச்சீலை
அசைவற்ற நிசப்தம்
கொதித்தடங்கிய பாலின்
மென்சருகாடை மோனம்
கரையின் மீது காத்திருந்து
பறக்கத் துவங்கும்
முதல் சிறகசைவில்
கலையும் நீர்ப்பரப்பு
என் சிந்தையாகக்கூட இருக்கலாம்.

அசைந்து கொண்டேயிருக்கும் உணர்வுகளை
அசையா ஒரு காட்சியென
பிழையேதுமின்றி ஒரு முறை
ஒரே முறை
வடிக்க முடிந்துவிட்டால்
ஓய்ந்துவிடும் இதுவென்
ஆவியாகக்கூட இருக்கலாம்.