அற்றது

நதி நிறம் மாறி 

கால்களுக்காக காத்திருக்கும்

வழுக்கும் பின்னிரவு

நீரின் அடுக்குகளில்

மெல்லிய அசைவுகளூடே

நெளியும் அரவத்தின்

அரவம்

இசை வற்றிய காற்று

அதிராத இலைகளில்
வழிந்து இறங்கி
நீர்ப்பதற்கு முன்
மயங்கி நிற்கும்

பாதத்தின் அழுத்தத்துடன்
பேசிப் பேசி மறையும்
புல்லிதழ்களின் நுனிகள்

எங்கோ ஒரு ஊரின் 
கேட்டு இல்லாமலாகி கேட்கும்
பாடல் 

இங்கு என்ன இந்த நேரம் 
என்று கேட்டால்
பதில் மட்டும் இல்லை என்னிடம்